ليتارت بالفواكه

موضوع: ليتارت بالفواكه 2/27/2012, 6:23 pm

تعلمي لطارت بفواكه والكريم باتيسيار
السلام عليكم ا
اتمنى الكل يكون بخير
المقادير :250غ طحين مغربل
2م/ك سكر كلاصي
125غزبدة باردة ومحكوكه
1 فاني
2 اصفر بيض
قبصة ملح
الحشوة :
نصف لتر حليب +2م/ك كريم بتيسير بودر +4 م/ك سكر +فاني نخلطو كلشي ونعملوه يطيب حتى يعقاد
نصف لتر عصير برتقال +2م/ك كريم باتسير +5م/ك سكر +فاني نفس الطريقة 1
الزينة :
الفواكه على حساب المستطاع والموجود
طريقة العجين :
نعملو الطحين في ايناء تو نزيدو سكر . ملح .فاني وقبصة خمارة اختياري+ونزيدو الزبدة ورملوها مزيااان باطراف الاصابع ونزيدو اصفار البيض ونجمعوها بدون دلك ونعملوها في بلاستيكا تم نحضوها فالتلاجة ترتاح 30 دقيقة
من بعد ما نخرجوها نطلقوها بالمدلك متكونش رقيييقة ومتكونش غليضة ونعملوها في لمول خاص بها يكون مدهون بالزبدة ومرشوش بالطحين ونتكوها بالفورشيط ونتبتو من فوقا بابي المنيوم ونتقلو عليها بالحمص او لوبيا .. عاد العملية تنعملوها باش تبقا قابطه لفورما ديال المول ومتهبطشي لينا وندخلوها طيب في فرن متوسط الحرارة منين تبان لينا طابت من لجناب نخرجوها ونزولو بابي المنيوم ودكشي باش متقلين ورجعوها تخمر من الفوق على فكرة هداك الحمص لزولناه نحتافضو بيه لنفس المهمة مرميوهش
من بعد ما تنخرجوها كندهنوها بالشكلاط مدوب باش ميخليهاش تشرب الرطوبة وتفتت لينا لانها تتكون هشيشة ونخليوه تاينشف ونزيدو من فوق كريم باتسيير لطيبناه وبرد شوية ونرشو شويش دلفواكه من فوق منها ونخليوها حتى تبرد مزيااان ونزيدو كريم ديال البرتقال من بعد ندخلوها لتلاجة حتى تبرد وزينيها بالفواكه لعندك ودهنيها بالناباج وقدميها بالصحة والراحة وانا رهن الاشارة الى اي استفسار
http://www.anaqamaghribia.com/pic/images/l7hvmq5639u320i0drj.jpg