اصل العرب وانسابهم .. للشاعر فيصل المريسي

بســـــم الله الرحمـــــن الرحيـــــم

يثور الشعر لاهزت ضلــــوعي رهبة القيفان=ويتمـايل خفــوق المرجلــه مــن دون راعــيها

على صــدر الـــورق تولد خفــايا ثــورة الاوزان=وتتناثر احاسيــس الغــلا في حضــن بانيها

يهم الصوت لامــنك كــبته وانفجـــر بركان=واذا ثارت براكــين الشعــر منهــو يطفـــيها

انا مــــأني بحــاجة فلسفة افكـار او ديــــوان=ولا محتاج لا ثارت هجــوسي من يهــــديها

انا شاعـر وفي صدري لغـايات الشعرعـنوان=ولي نهجي واسلووبي وعارف كيف امشـيها

عــوايدنا مثل ما هي رسمـها جدنا قحطان=واذا تصعب على غــيري ولا يقـدر يســـويها

انا عارف امشيــها وامشيــها على المــيزان=وعارف كيف اهــديها ولــو تكــــثر بلاويهـا

لاني مـن بلــد تفخــر به الاجــداد والعــربان=عريقه والعـرب تفخر بحاضرها وماضيــها

حضارها مجدها راسخ ومذكوره في القران=لهـا تاريخ لو بكتب سطــوري ماتكـفيها

نشـرناالـدين فـي كـل البقـاع واخرالبلدان=لنا وقفــات ماتنسـى ولا بــه مـن يجاريهــا

سلو عنا جبال السندسلوالتاريخ والازمان=سلو بلقيس وش اخــر نهـاية من يعاديها

سلو عـنا بلاد الفـرس والاتـراك والرومـان=سلو شيخ العرب زاايد كثر ماكان يغليها

سلو جـابر وابو متعب وقايدنا ابو سلمـان=سلـو قابوس عن حـبه لهـا ودايم مخـاويها

سلو الدوحه وقايده ابو مشعل عظيم الشان=هذاك اللي وقف وقفه مع الوحده وحامــيها

سلوهــم ربما تلقــو اجــابه لو انا غلطان=مـع اني لو شــرحت اكـثر وربي ما اوفــيها

على فكره انا ماجيت اميزها عن الاوطان=واحــرم باقي الاوطـان من حبي واعطيها

انا حبي لها يمكن يســاوي مصر او لبنان=مع اني لا زم اعشقهــا واقــدرها واحييها

واعلقها على صدري والف بحبها البلدان=ولو طــــالت مســافاتي وربي ما اخليـــها

انا وشلون اخليها وهي امي وهي العنوان=وهي عزي وتاريخــي وقلـــبي عايــشٍ فيها

محبتها زرعها الله وموجوده بكل انسان=نعم ام العــرب امي وكل واحـــد يناديها

احبها مثلمــا حـــب الخلـــيج ولا ابي برهــان=حقيقه واضحه كالشمس ولابه من يغطيها

لنها جـزء مـن ارض الخلــيج ومن قدم لازمـان=واذا كــان الحـــدود اكــبر عوايقــــنا بنلغيها

ولكن مادفــع شعــري وفجــر داخلي بركان=سمعت البارحــه تافه يانبهـــا ويهجــيها

وشبها على قوله بشعب الهــند والافغــان=عديم الاصل في طبعه على كيفــه يسميها

غريبه والغريب انه تناسا من قبل وش كـان=مجرد شخص مايسوى مع الحرمه مواطيها

يكفـــينا فخــر حــنا بلد حكــمه وبلد ايمـان=ويكفي الناس تتعلم من الحكمه مــــباديها

يكفينا فخــر وقفــة خليفه فارس الفرسان=ويكفيـها فخــر حــبه وتقـــديره يكفـــــيها

هذاك اعظم وفأ شفــناه بالتاريخ الين الان=واعظم حب متبادل مع القــايد واراضــيها

يكفــــينا كلام الله والدســتور والقـــــران=سئلو بلقيس وش اخر نهاية من يعاديها

-----------------------------------------------------